BB要星期六先出院, 呢幾日我同我老公日日都有去睇佢,
BB依家比起出世果一兩日真係大左好多, 我地日日都會幫佢影相,
出世到依家, 留意到佢訓覺果陣都一定會用手托住自己黎訓,

同埋佢真係好乖好抵錫, 因為佢好少會扭計好少會喊,
依家比d我個寶貝女d相你地睇下啦!

我個寶貝BB女終於係7月31號接近朝早(至於幾點人地話唔講得喎)出左世啦!
不過原來真係好痛好痛......生之前個肚痛到我暈左兩次(真係冇誇張)......仲要吸氧氣都唔掂......
痛到有時真係忍唔住大嗌「我死得喇!」......喊到拆天咁制......
痛左幾個鐘終於痛到頂唔順要做無痛分娩(姐係打麻醉),仲要係打落背隻條骨到(同埋有條喉插落去)......
雖然背隻都好痛,但係已經覺得果d痛比起個肚簡直係蚊比同牛比......
打完麻醉之後個醫生話我生得,但係我已經成個人冇力......
最後個BB要用喉吸佢出黎......我痛左11個鐘.....BB.終於出世......
佢一出世果一刻,我望住佢,眼淚係咁流出黎......好感動......覺得乜野痛都抵返晒......

我琴日已經出左院喇......不過BB仲係醫院,要過幾日先走得......
我影左好多BB既相......你地睇下啦!

琴日同妹、茂鋒、茂玲、聰、銘、豬達去左又一城踩冰, 全部都係表兄弟姊妹.
唔好以為我大住個肚就乜都唔可以做, 我都可以去踩冰架! (講笑)
我有得睇, 冇得踩 茂鋒因為咬柴所以都冇落場, 而豬達同銘就因為怕怕冇踩.
踩完都差唔多6點, 我地出左荃灣間稻草人食扒.
行左一日企左一日, 我簡直筋疲力竭.
不過大肚, 所以佢地全部都好照顧我, 同佢地一齊出去好開心架!

聰、妹

跟住今日係媽咪生日, 媽咪生日快樂!
朝早同媽咪出左去第一城飲茶, 妹放學就過黎.
食飽飽我地去睇BB車, 媽咪買左架BB車送比我個女,
架BB車貴到離晒譜, 要成$1300, 多謝媽咪!
老公過幾日就過返黎, yeah!